شوبير: بيسيرو غاضب بسبب أزمة زيزو

أكد الإعلامي أحمد شوبير، أن البرتغالي جوزيه بيسيرو، المدير الفني للفريق الأول لكرة القدم بنادي الزمالك، غاضب بسبب أزمة أحمد مصطفى زيزو.

وقال شوبير في تصريحات إذاعية:” زيزو بيمثل 50% من قوة الزمالك، أنا مش فاهم بصراحة ليه بيتعاملوا معاه كدا”.

وتابع نائب رئيس اتحاد الكرة السابق:” زيزو هو السبب في صعود الزمالك لنهائي الكأس بعد هدفه في مرمى سيراميكا كيلوبترا، ليه النادي ممكن يخسره في مباراة مهمة زي كدا”.

وأكمل شوبير:” هتقولي بتقول إيه، هقولك هو دا الصحيح، دا الشغل الاحترافي هيمشي أو لأ حاول تستفيد منه في المباريات القادمة لأن عقده لسا ساري”.

ووصل:” بيسيرو غاضب جدًا بسبب أزمة رحيل زيزو، وليس لدى مشكلة في حل الأزمة الحالية وعودة اللاعب من جديد للمشاركة في المباريات القادمة”.

وأكمل:” سألت المقربين من زيزو هل اللاعب عنده مشكلة يرجع يتمرن ويشارك مع الزمالك، قالولي اللاعب جاهز من بكرا الصبح، قولت طيب ليه ميعملش كدا، قالولي يضمن تأمينه الأول”.

وأتم شوبير:” أنا للأسف مش فاهم هما بيتعاملوا كدا إزاي، دا مش تعامل احترافي، زيزو بيمثل 50% من قيمة الزمالك، والمفروض إنك عندك 6 ماتشات في بطولة الدوري، دا بالإضافة لنهائي الكأس، ما تحاول تستفيد من اللاعب قبل رحيله، وتشتغل شغل مناسب باحترافية”.